Загрузка...
Главная

Ангренлик «Агент 007»: ўқотар авторучка сотмоқчи бўлган шахс қамалди 

Ko'rildi: 564 Qo'shildi: 02-03-17

Ҳеч қаерда ишламайдиган ангренлик 46 ёшли шахс ўқотар қурол ва тўққизта ўқни сотишга уринди

Тошкент вилояти миллий хавфсизлик бошқармаси ходимлари Ангрен туман ИИБ ходимлари билан ҳамкорликда кичик ҳажмли тўппонча сотишга уринган шахсни қўлга олишди.

Ангренлик 46 ёшли Бахтиёр Йўлдошев авторучка кўринишидаги тўппонча ва унинг 5,6 мм калибрли тўққизта ўқини сотишга уринган. У бу қуролни узоқ вақт давомида уйида ноқонуний сақлаб келган.

«Сўроқ жараёнида Йўлдошев ушбу қуролни бир пайтлар СССР қуролли кучлари таркибида Афғонистонда хизмат қилган Ангренда яшаган нотаниш рус кишисидан олганини маълум қилди. Баллистик экспертиза хулосасига кўра, ушбу авторучка-тўппонча ўқотар қурол ҳисобланади ҳамда фойдаланишга яроқли ҳолатда», — деди МХХ ходими. Ангрен тумани ИИБ Бахтиёр Йўлдошевга нисбатан Ўзбекистон Жиноят кодексининг 248-моддаси (Қурол, ўқ-дорилар, портловчи моддалар ёки портлатиш қурилмаларига қонунга хилоф равишда эгалик қилиш) бўйича жиноят иши қўзғатилди. Жиноят ишлари бўйича Ангрен шаҳар суди ҳукмига кўра Б.Йўлдошев 5 йил муддатга озодликдан маҳрум қилинди. Эслатиб ўтамиз, Ўзбекистон Республикаси ҳудудида ўқотар қуроллар билан савдо қилиш тақиқланган. Шу сабабли МХХ ва ИИВ ходимлари қонунбузарлик ҳолатларини аниқлаш бўйича мунтазам равишда иш олиб боради.




Do'stlaringizga birinchilardan bo'lib yetkazing!



Всего комментариев: 0
avatar

Видео и аудио материалы предназначены исключительно для предварительного ознакомительного просмотра и прослушивания. | |