Главная

Дилноза Исмияминова: “Шаҳзоданинг Дилором Омонуллаевадек бастакорни ҳақорат қилишга ҳаққи йўқ” 

Ko'rildi: 254 Qo'shildi: 08-07-17


Aктриса Шаҳзода Муҳаммедованинг ижтимоий тармоқлардаги шахсий саҳифасига ёзиб қолдирган ҳақоратли сўзларига нисбатан билдирган фикр-мулоҳазаларини тақдим этган эдик.  Мазкур масалага Ўзбекистон давлат консерваторияси Бастакорлик ва чолғулаштириш кафедраси мудири, доцент Ойдин Абдуллаева муносабатини билдирган эди
 
Вазиятга холисона ёндашиш мақсадида Дилором Омонуллаеванинг қўлида таҳсил олган санъаткорларнинг фикрлари билан ҳам қизиқдик. Чунки Шаҳзода ўз ёзганларида қанчадан-қанча иқтидорли ёшлар Дилором Омонуллаева сабаб Ўзбекистон давлат консерваторияси талабаси бўла олмаётганини, кўплари ўқишни ташлаб кетаётганини иддао қилган.
 
Дилноза Исмияминова, Ўзбекистонда хизмат кўрсатган артист:
 
– Дилором Омонуллаева – менинг устозим. Шу даражага етишимда, Ўзбекистонда хизмат кўрсатган артист бўлишимда, албатта, уларнинг хизмати катта. Ҳозир Дилором Омонуллаевага ўхшаш бастакорлар жуда кам.
 
Мен Шаҳзода Муҳаммедовани актриса, дизайнер сифатида биламан, холос. Яқиндан мулоқотда бўлмаганмиз. Шундай бўлса-да, унинг ижодини ҳурмат қиламан, аммо актрисанинг Дилором Омонуллаевадек бастакор ҳақида бундай дейишга умуман ҳаққи йўқ. Ўзбекистонда хизмат кўрсатган артист Севара Назархон, "Ниҳол” мукофоти совриндори Манзура Йўлдошева, хонанда Саиданинг халққа танилишига ким сабабчи? Албатта, Дилором Омонуллаева.
 
Тўғриси, бу ҳақда эшитиб, ҳайрон қолдим. Қандай қилиб шундай бетакрор бастакорни бу даражада ҳақоратлаш мумкин? Ўлмас қўшиқлар, "Шарқ тароналари”, "Тошкент” каби гимнлар муаллифини аслида қадрлашимиз керак эмасми? Шаҳзода Муҳаммедова томонидан менга нисбатан ҳеч қандай ҳурматсизлик бўлмаган. Бироқ, устоз отангдай улуғ, дейишади. Шунинг учун бу вазиятга нима деб баҳо беришга ҳам ҳайронман. 

Qalampir.uz



Бизни Телеграм орқали кузатиб боринг: https://telegram.me/namanganliklar

Do'stlaringizga birinchilardan bo'lib yetkazing!



Всего комментариев: 0
avatar

Видео и аудио материалы предназначены исключительно для предварительного ознакомительного просмотра и прослушивания. | |